انسحاب

افضل وصفه للحياة.

افضل وصفات الحياة

الحياة عبارة عن مرحله انتقال من حياة فوق الارض الى تحت الارض واخر مرحله الحساب ياجنه يانار واللى نقدر نحدد بيه اختيار اخر مرحله هى فترة  الحياة  فوق  الارض .

الحياة ببساطة..

هنتكلم النهاردة عن الحياة وحبه وصفات كدة نحلى بيها حياتنا وهتحلى لما نعمل وصفتنا وتخلى لينا اثر ولولادنا يتفاخرون بالسيرة الطيبه الحسنه .

الوصفه الاولى الابتسامة..

تبسمك فى وجهه اخيك صدقه اهى صدقه مش هتكلفك حاجه لما تتبسم فى وجهه حد وانت بتشترى اوبتبيع التبسم مش معناة ضحك لا دة بترسم على وشك الرضا .

 بتخلى اللى قدامك ياخد راحته فى الكلام ممكن حد عايز يكلم معاك وياخد قرار اذا كان يتكلم او لاء من ملامح وشك خلى ديما وشنا ديما مبتسم .

جبر الخواطر ..

ديما نجبر بخاطر اللى حولينا اذا كان طفل او فى نفس السن او اكبر سنٱ متعرفش ممكن حد يبقى فاقد الثقه فى نفسه او فى اللى حواليه يمكن كلامك يجبر بخاطرة .

 زى مافيه كلام يهدم ويحطم 

فيه كلام يشجع ويغير للاحسن خلي ديما بصمتك تغير للاحسن .

اوعو تكسفو ولاتكسرو خاطر حد خلى ليك اثر طيب فى حياة غيرك .

مثال بسيط .

ياجماعه لو نازل الشغل او نازله تجيبى طلبات البيت لو جيبتى او جيبت كام باكو بسكوت واديته بابتسامه لعامل النظافه .

 هيفرح ان فيه تقدير نحسسه بااهميته فى حياتنا بالمعامله الحسنه وتقديم الصدقه بشكل  محترم هتفرق  معاة  ومع حضرتك  لما  يدعيلك دعوة ممكن تكون المنجيه بالنسبه ليك .

لما تروح عيادة وتتصدق فى الخفا مع العامل اللى بينظم دخول المرضى بس تاخد دورك اوعى تاخد تمن الصدقه فى الدنيا .

لما تشترى حاجة من الباعه الجائلين متفصلش معاة دول غلابه كل راس ماله هو اللى معاة فاصل برحتك لماتخش محل ..

الصدقة بكل صورها.

الصدقة الكل يقدر يتصدق بالابتسامه .

انك تحوش حاجة من الارض ممكن تضر غيرك صدقة .

 لو باكو بسكوت اديتة لوحدة بتبيع سايبه بيتها وعيالها وقاعدة بتبيع فى الارض حتى لو مش محتجاة صدقة .

التفاؤل..

ديما نحاول اننا نكون متفائلين رغم الضغوط ورغم كل شئ ديما نقول احسن من غيرنا ديما نبص للاكتر منك مشاكل والاقل رزق..

 

احمد ربنا ديما ويكون عندنا امل فى التقدم وفى تغير الحال للاحسن بس اعمل المطلوب منك والباقى على رب العباد .

الدعاء..

ادعى ديما ليك ولغيرك الدعاء عبادة ولماتدعى لغيرك ينولك شرف الملايكه بترد الدعوة وتقول ولك بالمثل .

الحياة هتبقى احسن بالرضا ثم الرضا .

الرضا بالابتلاء.

لازم تعرف ان ربنا  بيحب عبدة الشكور الصبور وبيختبر دة فى اشكال كتير من الابتلاء والصبور الشكور له من الله عز وجل العوض والله الكريم تخيل الكريم لما يجازى .

واتمنى للجميع تحقيق مايتمناة .